############# ADAAT##############

Tanhayion main jeene ki aadat ho gayi hai,
Ab hamein gummo ko pine ki aadat ho gayi hai.

Yeh duniyan deti hai zhakham humein
Apne zhakhamo ko sehne ki aadat ho gayi hai

Roz unse milne ki aadat ho gayi hai,
Jaante hai wo nhi mile ge raho main
Phir bhi unki galliyon se gujarne ki aadat ho gayi hai
Vo chod chale hai humein is jagah se
Ab unki yaad main jeene ki aadat ho gayi hai

Vo humein kasam khila gaye the na rone ki
Ab to aansu pine ki aadat ho gayi hai

Mar rahe hai hum unki yaad main har pal
Ab pal pal marne ki aadat ho gayi hai

Na jaane kab wo humein apne pass bulayege
Issi intzaar ki ab to aadat ho gayi hai.


Written By : Manmeet Kaur